சென்னை வானிலை மையம் தெரிவிக்கையில் “தமிழகப் பகுதிகளின் மேல் நிலவும் வளிமண்டல கீழடுக்கு சுழற்சி காரணமாக” , இன்று தமிழ்நாடு , காரைக்கால் மற்றும் புதுச்சேரியில் ஒரு சில இடங்களில் கனமழைக்கு வாய்ப்பு.
மேலும் 11 மாவட்டங்களில் கன மழைக்கு வாய்ப்பு என்று தெரிவித்துள்ளது . ஈரோடு , நீலகிரி , சேலம் , நாமக்கல் , திருச்சி , திண்டுக்கல் , மதுரை , கிருஷ்ணகிரி, திருப்பத்தூர், பெரம்பலூர் , தர்மபுரி ஆகிய மாவட்டங்களில் ஒரு சில இடங்களில் கன மழைக்கு வாய்ப்பு.
சென்னையை பொறுத்தவரையில் அடுத்த 48 மணி நேரத்தில் ஒரு சில இடங்களில் வானம் மேகமூட்டத்துடன் காணப்படும் . சில பகுதிகளில் இடி, மின்னலுடன் கூடிய மழை பெய்யக்கூடும் . மேலும்சென்னையின் வெப்பநிலை 97 டிகிரி, குறைந்தபட்ச வெப்பநிலை 79 டிகிரி ஃபாரன்ஹீட் ஆகவே இருக்கும் என்று சென்னை வானிலைமையம் தெரிவித்துள்ளது .
