மலையாள சினிமா துறையில் மோகன்லால் , மம்முட்டி முன்னணி கதாநாயகர்களாக வலம் வருகிறார்கள் . அந்த வரிசையில் முன்னணி நடிகர் மற்றும் இயக்குனராக வலம் வருபவர் நடிகர் பிரித்விராஜ் . நடிகர் பிரித்விராஜ் நான்கு வருடங்களுக்கு முன்பு மோகன்லால் நடித்த லூசிபர் என்கின்ற திரைப்படத்தின் மூலம் இயக்குனராக வலம் வருகிறார் . மீண்டும் மோகன்லால் அவர்களை வைத்து ப்ரோ டாடி என்கின்ற படத்தையும் இயக்கியவர் . இப்படம் அனைவரின்மதியிலும் பெரும் வரவேற்பை பெற்றது . இதைத் தொடர்ந்து லூசிபர் இரண்டாம் பாகம் எம்புரான் என்கின்ற படத்தை இயக்க உள்ளதாக நடிகர் பிரித்விராஜ் அறிவித்திருந்தார் . லைக்கா நிறுவனம் மற்றும் மோகன்லாலின் ஆசிர்வாத் சினிமாஸ் இரண்டும் இப்படத்தை இணைந்து தயாரிக்கிறது.
அந்த வகையில் சில தினங்களுக்கு முன்பு இதற்கான அதிகாரப்பூர்வமான அறிவிப்பு வெள்ளியானது , இப்படத்திற்கான பூஜையும் போடப்பட்டன . மேலும் இன்று முதல் படப்பிடிப்பு துவங்கின இத்தகவலை நடிகர் மோகன்லால் அவர்கள் வெளியிட்டார் . லூசிபர் இரண்டாம் பாகத்தில் நடிக்கவிருக்கும் நட்சத்திரங்கள் பற்றி விவரங்கள் விரைவில் வெளியாகும் என்று தகவல் வெளியாகியுள்ளது.
