சல்மான் கான் , கத்ரீனா கைஃ நடிப்பில் , கபீர்கான் இயக்கி கடந்த 2012 ஆம் ஆண்டு வந்த திரைப்படம் “ ஏக் தா டைகர்” . இப்படம் வெளியாகி பெரும் வெற்றி பெற்றது . மேலும் இதைத்தொடர்ந்து 2017 ஆம் ஆண்டு அலி அப்பாஸ் ஜாஃபர் இயக்கத்தில் “ டைகர் ஜிந்தா ஹே” திரைப்படம் வெளியாகி நல்ல வரவேற்பை பெற்றது . இப்படத்தின் மூன்றாம் பாகமான “ டைகர் 3” நேற்று வெளியானது . இப்படத்தில் சல்மான் கான் , கத்ரீனா கைஃப் நடிப்பில் , மணிஸ் சர்மா இயக்கத்தில் , யஷ்ராஜ் பிலிம்சின் ஸ்பை திர்லராக உருவாகியுள்ள இப்படம் நேற்று தீபாவளி அன்று திரையரங்குகளில் வெளியாகி பெரும் வரவேற்பு பெற்றுவரும் நிலையில் ,
இப்படத்தின் முதல் நாள் வசூலாக ரூ.40 கோடி பெற்றுள்ளது என்று . இந்த நிலையில் மராட்டிய மாநிலம் நாசிக் மாவட்டத்தில், மாலேகானில் உள்ள ஒரு திரையரங்கில் “டைகர் 3” திரைப்படத்தை பார்க்க வந்த ரசிகர்கள் நடிகர் சல்மான் கானின் என்ட்ரியை கொண்டாடும் விதமாக திரையரங்குக்குள் பட்டாசுகளை வெடித்து கொண்டாடியுள்ளனர் . அதுமட்டுமின்றி அந்த பட்டாசுகள் நாலாப்புரமும் சிதறியதால் மக்கள் அலறி ஓடினர் . இதனால் அங்கு சிறிது நேரம் திரையரங்கில் பதற்றமான சூழ்நிலை நிலவியது . இதற்கான வீடியோ சமூக வலைத்தளத்தில் தற்போது வைரலாகி வருகிறது .
இந்த சம்பவத்தை போலிஸ் அதிகாரி ஒருவர் கூறுகையில் நேற்று இரவு திரையரங்கில் பட்டாசு வெடிப்பில் ஈடுபட்டவர்கள் மீது இரண்டு பிரிவுகளின் கீழ் வழக்குப்பதிவு செய்ய உள்ளதாகவும் . குற்றம் சாட்டப்பட்டவர்களின் அடையாளம் இன்னும் கண்டறியவில்லை என்றும் தெரிவித்தார் .
இந்த சம்பவத்தை பற்றி நடிகர் சல்மான் கான் கருத்து தெரிவிக்கையில் “ டைகர் 3” படம் திரையிடப்பட்ட போது , பட்டாசு வெடிப்பது மிகவும் ஆபத்தானது என்றும் பிறருக்கு ஆபத்தை ஏற்படுத்தாமல் பார்த்து ரசியுங்கள், மற்றும் பாதுகாப்பாக இருங்கள் என்று அறிவுரை கூறியுள்ளார் .
